Շնչառություն և Առողջություն
ՇՆՉԱՌՈՒԹՅՈՒՆ և ԱՌՈՂՋՈՒԹՅՈՒՆ
|
«Ով կիսատ է շնչում, նա կիսատ է ապրում» Արևելյան ասացվածք: Քանի մենք շնչում ենք, մենք ապրում ենք: Քանի ապրում ենք – մենք շնչում ենք: Այսինքն, մեր ողջ կյանքը – դա շնչառություն է: Մարդը կարող է ապրել առանց սննդի, ջրի որոշ ժամանակ, բայց առանց օդի` հաշված րոպեներ: Մարդը ծնվում է` կատարելով առաջին շունչը, մահանում` փչելով վերջին շունչը: Շնչառական պրոցեսները բնական են ընթանում և մեր ուշադրությունը չեն շեղում, քանի մենք առողջ ենք և երիտասարդ: Իսկ բավական է հիվանդանալ կամ ենթարկվել սթրեսի, երբ անմիջապես խախտվում է շնչառությունը: Վախից շունչը պահում ենք, և ստեղծում թթվածնային քաղց: Զայրույթից հաճախանում է շնչառությունը և բերում սպազմերի: Բացասական հույզերը դարձնում են այն կտրտվող, իսկ դրականները` համաչափ, բայց հաճախակի: Շնչառության դեֆորմացիան ժամանակակից կենսակերպի, վատ էկոլոգիայի, սթրեսային իրավիճակների հետ մեկտեղ բազմաթիվ հիվանդությունների առաջացման պատճառ է հանդիսանում: Սխալ և կիսատ շնչառությունը բերում է հյուսվածքների և բջիջների թթվածնային անբավարարության և տարբեր օրգան - համակարգերի աշխատանքի վատացման: Եթե փորձենք սովորել ճիշտ շնչել, մեր օրգանիզմը շատ արագ մեզ շնորհակալ կլինի` ազատվել դեպրեսիաներից, հանգստացնել նյարդերը, վերականգնել ֆիզիկական ուժերը և ազատվել խրոնիկ հոգնածությունից, կարգավորել սիրտ-անոթային, մարսողական համակարգերի աշխատանքը, նյութափոխանակությունը, քայքայել ճարպերը, աղային, տոքսիկ միացությունները և հեռացնել օրգանիզմից բնական ճանապարհով: Այս ցանկը կարող է անվերջ շարունակվել: Բայց ժամանակն է կանգ առնել և փորձել գիտակցաբար ուղղել շնչառությունը: Հաճախ լսում ենք այն էլ կոմպետենտ մարդկանց կողմից, թե մի շնչելն ենք առանց մտածել շնչում, դա էլ գիտակցաբար անենք.... Այո, այո, այո: Հնդիկ փիլիսոփա Օշոն նշում է. «Մարմինը և գիտակցությունը միացնող կամուրջը դա ճիշտ շնչառությունն է»: Սկսենք սովորել շնչել այսօր: |